• ՆՈՐՈՒԹՅՈՒՆՆԵՐ
• Posted By

ՄԱՐԶԱՅԻՆ ԳԱՎԱԹ

լեռնային հեծանվասպորտի մրցաշար

Հեծանվորդների Ֆեդերացիան Ստեփանավանի համայնքապետարանի աջակցությամբ՝ հունիսի 15-16-ը, իրականացնում է երկար սպասված հոբելյանական #ՄարզայինԳավաթ 10-րդ նախագիծը՝ լեռնային հեծանվասպորտի մրցաշարը, որն այս տարի տեղի է ունենալու #Ստեփանավան համայնքում: Ստեփանավանում հեծանվային մշակույթի զարգացմանը միտված մեկնարկել են մի շարք նախագծեր և միջոցառումներ, որոնց շրջանակներում քաղաքում տեղադրվել են ԿԻՍԻՐ ՃԱՆԱՊԱՐՀԸ ճանապարհային տեղեկատվական նշաններ և հեծանվային կայանատեղիներ: Հունիսի 15-ին նախատեսվում է տեղադրված նշանների ու կայանատեղիների բացման արարողությունը, այնուհետև կմեկնարկի քաղաքային հեծանվային զբոսանքը: Երեկոյան նախատեսվում է խարույկ, երգ, պար և հետաքրքիր ժամանց: Հունիսի 16-ին մեկնարկում է 10-րդ հոբելյանական ՄԱՐԶԱՅԻՆ ԳԱՎԱԹ լեռնային հեծանվասպորտի մրցաշարը, որին հեծանվորդները կմրցեն յոթնյակի, եռյակի և փոխանցիկ Գավաթի համար: Նախագիծն իրականացվում է ՄԱԶԾ Սլովակիայի տրանսֆորմատիվ ֆոնդ, Քաղաքների էքսպերիմենտային ֆոնդ ծրագրի շրջանակներում և Ստեփանավանի համայնքապետարանի աջակցությամբ: Հարցերի դեպքում զանգարահել 099 566 001 հեռախոսահամարով:

• ՆՈՐՈՒԹՅՈՒՆՆԵՐ
• Posted By

ԻՆՉՈՒ՞ ԱՊՐԵԼ ԵՎ ԱՇԽԱՏԵԼ ՍՏԵՓԱՆԱՎԱՆՈՒՄ ԿԱՄ ՍՏԵՓԱՆԱՎԱՆԸ ՍԻՐԵԼՈՒ 10 ՊԱՏՃԱՌ

ըստ visitstepanavan.am կայքի

Պուշկինի լեռնանցքից սկիզբ առնող ոլորանները Ստեփանավան են տանում: Մի նոր աշխարհ է սկսվում թունելից այս կողմ, որ ամեն տարվա եղանակին յուրահատուկ է. սաղարթախիտ ծառերը, մինչև Գարգառ, Ստեփանավան եկողներին հեքիաթային աշխարհ են տեղափոխում: 

Եթե մտնես քաղաք ու տեղացիներին հարցնես, թե ինչն է քաղաքը գրավիչ դարձնում, հազար ու մի բան կնշեն, հետո էլ տուն կհրավիրեն, սուփրա-սեղան կբացեն ու զրույցն արդեն սեղանի շուրջ կշարունակվի: Ու երբ ամփոփես ու ընդհանրական ներկայացնես Ստեփանավան այցելելու, Ստեփանավանը սիրելու պատճառները, այսպիսի պատկեր կստացվի.

1. Օդը մաքուր է. Ստեփանավանը շրջապատված է անտառներով. ամառը զով է, ձմեռը՝ մեղմ:
2. Ոտքով կարող ես 10 րոպեում քաղաքի մի ծայրից մյուսը հասնել:
3. Քաղաքը շատ հարմար է հեծանվով երթևեկելու համար:
4. Աղմուկ չկա, նստի՛ր, աշխատիր (ֆրիլանս) և վայելի՛ր բնությունը:
5. Նախընտրո՞ւմ ես արկածային, մշակութային, ագրո- և էկոտուրիզմը, դարձյալ բոլոր նախադրյալներն այստեղ կան, պարզապես վերցրո՛ւ վրանդ ու շտապի՛ր Ստեփանավան: Ձորագետի կիրճն ու Ստեփանավանի Լոռէ էքստրիմ պարկը քեզ են սպասում:
6. Ստեփանավանը գտնվում է Մ3 միջպետական ճանապարհին, ինչը նշանակում է, որ տնից դուրս գալով՝ կարող ես հասնել Վրաստան, Ռուսաստան, Իրան և այլուր:
7. Մարդիկ այստեղ բարի են, պատրաստակամ՝ օգնելու, և ագրեսիայի նշույլ չես հայտնաբերի:
8. Անմիջապես արտադրողից ձեռք բեր էկոլոգիապես մաքուր մթերք՝ ձու, պանիր, կաթ ու մսամթերք և առո՛ղջ սնվիր:
9. Եթե ուզում ես բիզնես սկսել, խնդրեմ, այստեղ ծառայությունների բարելավման պակաս կա:
10. Ստեփանավանը Սոս Սարգսյանի քաղաքն է, և Վարպետն իր անունը կրող փողոցում հայացքն անհունին՝ հետևում է քաղաքի անցուդարձին:
     

Արի՛ Ստեփանավան, արի՛ միասին բացահայտենք փոքրիկ քաղաքի մեծ առավելությունները:

• ՆՈՐՈՒԹՅՈՒՆՆԵՐ
• Posted By

ՃԱՆԱՉԻՐ ՀԱՅԱՍՏԱՆԸ

զբոսաշրջային ցուցահանդես

Սիրո՞ւմ եք ճանապարհորդել և բացահայտել հայկական մշակույթն ու խոհանոցը, փնտրո՞ւմ եք նոր արկածներ և փորձառություններ, ապա ուշադրություն`

 ՀՀ ԷՆ զբոսաշրջության կոմիտեն սիրով հրավիրում է մասնակցելու «Ճանաչի՛ր Հայաստանը» ներքին զբոսաշրջային ցուցահանդեսին։

Մայիսի 25-26-ին կբացահայտեք Հայաստանի մարզերի զբոսաշրջային ներուժը՝ հարուստ մշակութային ժառանգությունը, գինին, համեղ խոհանոցն ու արկածային զբոսաշրջության հնարավորությունները, ինչպես նաև կմասնակցեք մի շարք հետաքրքիր փորձառությունների։

Հայաստանի 10 մարզեր
 500+ մարզային զբոսաշրջային պրոդուկտներ
Գաստրո տաղավար՝ տեղում պատրաստվող մարզային ուտեստներով
 Վարպետաց դասեր
 Արկածային զբոսաշրջության գունեղ տաղավար
 ֆոտոզոնա
 Մշակութային ծրագրեր
 Համաժողով՝ մայիսի 25-ին` https://bit.ly/3UO3Uxc

Հանդիպման վայր՝ Երևան, Սիզընս Այգի (Seasons Park)
Մայիսի 25 ժամը՝ 12։00 — 21։00
Մայիսի 26 ժամը՝ 12։00 — 17։00

 Քո ճանապարհորդությունը Հայաստանում սկսվում է այստեղից։
Միացի՛ր մեզ և ճանաչի՛ր Հայաստանի թաքնված ուղին։

Մեր հյուրատունը կգտնեք լոռու մարզի տաղավարում։

Ցուցահանդեսի մուտքն ազատ է։

«Ճանաչի՛ր Հայաստանը» ներքին զբոսաշրջային ցուցահանդես 2023-ի հոլովակը`